"Орденге лайықпын ба, білмеймін": Динара Сәтжанның кәсіпкер күйеуіне мәртебелі атақ берілді

Тележүргізуші әрі блогер Динара Сәтжанның күйеуі, кәсіпкер Жұмабек Жанықұл мемлекеттік наградаға ие болды,деп хабарлайды Politico.kz.

Ол бұл жаңалықты өзінің әлеуметтік желідегі парақшасында жариялап, марапаттың өзі үшін үлкен жауапкершілік екенін атап өтті.

«Шырайлы Астанамыздың әкімі Жеңіс Қасымбектің қолынан ел Президентінің жарлығымен Құрмет орденін лайық көріп табысталды, лайықтымын ба, емеспін пе білмеймін?! Бірақ мен үшін үлкен абырой мен қоса үлкен жауапкершілік деп білемін…, Қазақстанымның, қоғамның әрі қарай дамуына қолымнан келгенше үлес қосуға дайынмын!», — деп жазды ол.

Желі қолданушылары кәсіпкерді қуанышымен құттықтап, жылы лебіздерін білдіруде.

«Барлық құрметке лайықсыз, бағыңыз еселенсін»,

«Алла абыройдан айырмасын! Құтты, берекелі құрметтер болсын»,

«Тамаша, шын жүректен құттықтаймыз», — деп жазды оқырмандар.