Қайсар Қамза ісінде жаңа есімдер: күдіктілер арасында АҚШ мен Украина азаматтары бар
Вьетнамнан Қазақстанға экстрадицияланған блогер Қайсар Қамзаға қатысты қылмыстық істің жаңа мәліметтері белгілі болды, деп хабарлайды Politico.kz.
Ведомствоның ресми ақпаратына сәйкес, 2026 жылғы 6 тамызда блогер Қайсар Қамза заңсыз электронды және интернет-казино ұйымдастыруға көмектесті деген күдікпен елге жеткізіліп, тергеу изоляторына қамалды.
Тергеу барысында осы қылмыстық іс бойынша тағы төрт адам күдікті ретінде танылды. Олар:
– Дмитрий Дружински (АҚШ азаматы);
– Марина Левкович-Гинзбург (Украина азаматы);
– Дмитрий Пунин;
– Марина Ильина.
ҚМА өкілдері тергеу құпиялылығына байланысты бұл тұлғалардың нақты қандай рөл атқарғанын жария етпеді.
Алдыңғы мәліметтерге сүйенсек, АҚШ азаматы Д. Дружински мен Украина азаматы М. Левкович-Гинзбург Қазақстанда PIN-UP және PINCO брендтерімен нелегалды онлайн-казино желісін үйлестіріп, төлем инфрақұрылымын құруға қатысқан деп айыпталуда. Сот оларды сырттай тұтқындауға санкция берген болатын.
Соңғы жаңалықтар
