Қызылордалық оқушы қатарласын пышақтап тастады

Қызылордада жасөспірім құрдасына пышақ жарақатын салған, деп хабарлайды POLITICO.KZ.

15 жастағы оқушыға ота жасалып, қазір өміріне қауіп жоқ.

Кәмелетке толмаған күдікті уақытша ұстау изоляторына қамалды.

Қызылорда облыстық полиция департаменті басшысының орынбасары Серік Тоқтыбаевтың айтуынша, оқиға бойынша Қылмыстық кодекстің 106-бабы, 1-бөлігі «Кәмелетке толмаған адамға қасақана ауыр дене жарақатын салу» бойынша қылмыстық іс қозғалған.

«Қазір оқиғаның барлық мән-жайын анықтауға бағытталған тергеу амалдары жүргізіліп жатыр. Сараптамалар тағайындалды», – деді Серік Тоқтыбаев.

Тоқтыбаевтың айтуынша, тергеу барысы басшылықтың ерекше бақылауында.
 

Следите за нашими новостями в Google News

Подписаться