Сәуірден бастап коммуналдық қызмет тарифтері көтеріледі

Сәуір айынан бастап коммуналдық қызметтер нарығында тарифтерді шектеу алынып тасталады, деп хабарлайды Politico.kz сайты Orda.kz сайтына сілтемемен.

Яғни, компаниялар қайтадан бағаларды көтере алады. Бұл базалық қызметтерге қатысты: жылу және ыстық су, электр энергиясы, су, канализация, газ, қоқыс шығару және лифт қызметі.

Алайда, жаңа тарифтер бірден төлемдерге қосылмайды. Алдымен жеткізушілер ұсыныстарын тиісті департаменттерге жібереді, олар оны қарастырады. Бұл процесс 40–90 күнге дейін созылуы мүмкін. Сондықтан нақты өзгерістер төлемдерде тек маусым айында көрінуі ықтимал.

Бағалар барлық жерде бір уақытта өсірілмейді. Алдымен желілері ескірген және жиі аварияға ұшырайтын өңірлерде тариф көтеріледі. Қауіп аймаққа солтүстік, шығыс, батыс облыстар және Ақмола кіреді.

Тарифтердің нақты мөлшері әзірге жарияланбаған. Алайда олар инфляциядан асып кетпеуі керек, ал биыл инфляция болжамы 9–12 % деп көрсетілген. Сонымен қатар, билік жаңа «сквозной тариф» моделін талқылап жатыр. Оның мәні: электр энергиясының қымбаттауы басқа қызметтерге, мысалы, су, жылу және басқа қызметтердің бағасына да әсер етеді. Яғни, төлемдерде тізбектей бағаның өсуі қалыпты жағдайға айналмақ.

Еске салсақ, ақпан айында Астана, Алматы, Ақтау және басқа қалаларда тұрғындар төлемдердің күрт өскенін айтып шағымданған. Кейде шоттар 30 мыңнан 50–70 мың теңгеге дейін көтерілген. Сол кезде билік мұның тарифтің өзінен емес екенін түсіндірген: қаңтар айында ауа райы аномалды суық болған, кей жерлерде жалпы есептегіш жоқ болғандықтан норматив бойынша есептелген, сонымен қатар НДС төлемге қосылған.