Түркістан облысында жол апатынан бір әулеттің 5 қызы көз жұмды

Түркістан облысында жантүршігерлік жол апатынан бір әулеттің бес адамы көз жұмды. Тағы бір бала ауыр жарақат алып, ауруханаға жеткізілген, деп хабарлайды Politico.kz.

Жол апаты Түлкібас ауданындағы Еңбекші ауылында болған.

Алдын ала мәлімет бойынша, аудандағы трассада Volkswagen Polo автокөлігі жолдан шығып кетіп, ағашқа соғылған.

Желіде тараған видеодан жеңіл көліктің екіге бөлініп қалғанын көруге болады.

Полицияның мәліметінше, жүргізуші көлік тізгініне ие бола алмай қалған. Жол-көлік оқиғасы дерегі бойынша қылмыстық іс қозғалды.

Желіде тараған ақпарат бойынша көз жұмғандар – бір әулеттің бес қызы.

Адам өлімі Жол апаты Полиция департаменті Түркістан облысы