ҰҚК полиция полковнигі Жеңіс Әуелбековті тергеп жатыр

Шымкент қаласы Полиция департаментінің көші-қон қызметі басқармасы басшысының міндетін уақытша атқарушы Жеңіс Әуелбековке қатысты тергеу жүріп жатыр, деп хабарлайды Politico.kz.

Бұл ақпаратты Ұлттық қауіпсіздік комитеті (ҰҚК) Politico.kz-тің ресми сауалына берген жауабында растады.

«Сотқа дейінгі тергеп-тексеру жүргізіліп жатқанын хабарлаймыз. Қылмыстық-процестік кодекстің 201-бабының 1-тармағына сәйкес өзге ақпарат жария етуге жатпайды», – делінген жауапта.

Айта кетейік, бұған дейін бұл оқиға туралы әлеуметтік желіде ақпарат тараған болатын.

Тараған мәліметтерге сәйкес, оны Шымкент қалалық ҰҚК департаментінің Сыбайлас жемқорлыққа қарсы іс-қимыл қызметкерлері делдал арқылы берілген 100 мың теңге қаражатты алу кезінде қолға түсірген. Ақпарат көздерінің хабарлауынша, бұл ақша Қытай азаматтарының құжаттарын рәсімдеуге жәрдемдесу үшін берілген.

Жеңіс Әуелбеков Көші-қон Полиция департаменті Тергеу Шымкент ҰҚК

ҰҚК полиция полковнигі Жеңіс Әуелбековті тергеп жатыр

Соңғы жаңалықтар