Жазира Байырбекова келінін өз бейнебаянына түсірді

Жазира Байырбекова жаңа жылдың алғашқы күндерінде болашақ келініне арналған ерекше бейнебаян түсіріп жатқанын айтты, деп хабарлайды Politico.kz.

Әнші бұл туралы әлеуметтік желідегі парақшасында жазып, жаңа клиптің үзіндісін жариялады.

Өнер иесі «Бауырсағы балдай қыз» әніне арналған клипке келіннің өзі түскенін айтып, туынды аналық мейірім мен ақ тілекке толы екенін жеткізді.

«Жаңа жылдың жаңа күнінде болашақ келініме арнап түсірілген ерекше бейнебаян. Бұл ән-келінге деген аналық мейірім, ақ тілек пен отбасының берекесін жеткізетін туынды. Осындай қуанышты күндерді Алла әр шаңыраққа нәсіп етсін», - деп жазды ол.

Сондай-ақ клипке Сәкен Майғазиевтің жұбайы Динара және келіні де түскен.