Алматыда екі жасөспірім ірі көлемді есірткімен ұсталды

4 қыркүйек 2026, 20:17 1145

Алматыда екі жасөспірім ірі көлемді есірткімен ұсталды — Фото: Алматы ПД

Алматыда есірткі заттарын сақтау және өткізу мақсатында тасымалдады деген күдікпен екі кәмелетке толмаған жасөспірім ұсталды, деп хабарлайды Politico.kz.

Қалалық полиция департаментінің мәліметінше, күдіктілерді есірткі қылмысына қарсы іс-қимыл басқармасының қызметкерлері ұстаған. Арнайы шара жасөспірімдердің есірткінің заңсыз айналымына тартылуына жол бермеу мақсатындағы жұмыстар аясында жүргізілген.

Ұсталғандардың бірінен салмағы шамамен 300 грамм болатын ұнтақ тәрізді зат салынған бума табылған. Алдын ала болжам бойынша, тәркіленген зат мефедрон болуы мүмкін.

Аталған факті бойынша Түрксіб аудандық полиция басқармасында қылмыстық іс қозғалды. Қазір сараптама тағайындалып, тәркіленген заттың нақты түрі мен салмағы анықталуда.

Полиция жасөспірімдердің есірткінің заңсыз айналымына қалай тартылғанын және бұл іске қатысы бар басқа да тұлғаларды анықтап жатыр. Тергеу жалғасуда.

СҚО-да жұмысшы әріптесін құтқарамын деп қолынан айырылды

Тектанушы: Шежіресін білетін әрбір қазақ — аристократ

Алматы Есірткі Жасөспірім Полиция Тергеу Қылмыс

Бізді Google-дың негізгі дереккөздер тізіміне қосыңыз

Қосу