Алматыда ер адам самокаттан құлап, көз жұмды

30 тамыз 2026, 11:25 578

Алматыда ер адам самокаттан құлап, көз жұмды — Фото: Politico.kz

Алматыда электросамокат мінген 44 жастағы ер адам жол-көлік оқиғасынан кейін қайтыс болды, деп хабарлайды Politico.kz.

Қалалық полиция департаментінің мәліметінше, оқиға Варламов көшесінде, Төле би даңғылына жақын маңда болған. Ер адам электросамокатпен келе жатып, басқаруды игере алмай, бордюрге соғылған. Салдарынан ол құлап, ауыр жарақат алған.

Оқиға орнына дәрігерлер шақырылып, мамандар зардап шеккен азаматқа медициналық көмек көрсетіп, оны аман алып қалу үшін реанимациялық шаралар жүргізген. Алайда ер адам алған жарақатынан оқиға орнында қайтыс болды.

Алдын ала мәлімет бойынша, марқұм самокат тепкен кезде шлем және басқа да жеке қорғаныс құралдарын пайдаланбаған.

Қазіргі уақытта оқиғаның мән-жайы анықталып жатыр.

«Мұны мойындаймын»: Роза Рымбаева Заттыбек Көпбосынов туралы күтпеген пікір айтты

37 жастағы ер адамды есінен танғанша ұрған: Семейдегі клуб дауға қалды

Адам өлімі Алматы жол көлік оқиғасы Полиция электросамокат

Бізді Google-дың негізгі дереккөздер тізіміне қосыңыз

Қосу