«Екі дүниеде де жазасын алсын» – Жанель Мақажан жақын адамынан соққы көргенін айтты

Актриса Жанель Мақажан өмірінде ауыр кезеңді бастан өткеріп жатқанын мәлімдеді, деп хабарлайды Politico.kz.

Өнер иесі әлеуметтік желідегі парақшасында басына түскен сынақтың оңай тимегенін жеткізіп, қазіргі уақытта рухани ем алып жүргенін жазды.

​Жанель Мақажан нақты қандай жағдайға тап болғанын ашып айтпағанымен, өз жазбасында ең ауыр соққы жақын адамнан келетінін меңзеген.

Актрисаның бұл мәлімдемесі желі қолданушыларын қатты алаңдатты. Желідегі оқырмандары оған сабыр тілеп, қиындықты тезірек еңсеруіне тілектестік білдіріп жатыр.

​«Рухани ем алып жатырмын. Ешкімнің басына бермесін. Басымнан өтіп жатқан сынақты айтам, шошисыздар. Адам баласы сонша зұлым болады деп кім ойлаған, екі дүниеде де жазасын алсын деп тілеймін. Өкінішке қарай, ең ауыр жамандық жақыныңнан келеді екен. Сіздің қорғаныңыз – Аллаға жақындау», – деп жазды ол.