Оралда полицей қыз зорлады деген күдікке ілінді

Орал қаласында бұрынғы полиция қызметкеріне қатысты ауыр қылмыс бойынша тергеу басталды, деп хабарлайды Мой город. 25 жастағы экс-полицей қыз зорлады деген күдікке ілінген.

Басылым мәліметінше, әлеуметтік желіде Абай полиция бөлімі қызметкерінің қызметтік міндетін атқару кезінде қылмыс жасағаны туралы ақпарат тараған. Алдын ала дерек бойынша, оқиға көршілердің шуға қатысты шағымынан кейін болған. Полиция қызметкері пәтерді тексеруге барған кезде күдікті қылмыс сол жерде жасалған болуы мүмкін.

Орал қалалық прокуратурасы қылмыстық іс қозғалғанын растады.

«Қылмыстық іс қозғалды, тергеу жүріп жатыр. Күдікті уақытша ұстау изоляторына қамалды. Сонымен қатар ол ішкі істер органдарынан жұмыстан шығарылды», – деп мәлімдеді қадағалау органы.

Ал Полиция департаменті өз қатарындағы заң бұзушылықтарға мүлде төзім болмайтынын айтып, мұндай әрекеттер қатаң түрде тоқтатылатынын жеткізді.