Қолдан жасалған алкогольден қаза тапқандар саны 105 адамға жетті

Түркия астанасы Анкарада қолдан жасалған жалған алкоголь ішімдігін тұтынғандардың арасында қаза тапқандар саны 105 адамға дейін өсті.

Бұл туралы POLITICO.KZ Oxu.Az сайтына  сілтеме жасап хабарлайды.

Анкара қаласының Бас прокуратурасы жалған алкоголь өндіру және сату фактісі бойынша ауқымды тергеу жүргізіп жатыр. Қазіргі уақытқа дейін 43 адам қамауға алынып, тағы 50 күдіктіге қатысты сот бақылауы енгізілген.

Соңғы мәліметтерге сәйкес, 29 адам жансақтау бөлімінде ауыр хәлде жатыр.

Құқық қорғау органдары бұл жағдайға байланысты қоғамды сақ болуға шақырып, қолдан жасалған немесе белгісіз алкоголь өнімдерін сатып алмауға кеңес беріп отыр.