Қошанов келесі аптада парламент палатарының бірлескен отырысын өткізеді

Қошанов парламент палаталарының бірлескен отырысын шақырды, деп хабарлайды POLITICO.KZ. 

Мәжіліс төрағасы Ерлан Қошанов ҚР Парламенті палаталарының бірлескен отырысын шақыру туралы өкімге қол қойды.

Ресми сайттағы ақпаратқа сәйкес, oтырыс 2 қыркүйекке белгіленді. 

«Қазақстан Республикасы Конституциясының 58 - бабы 4-тармағының 2) тармақшасына сәйкес Қазақстан Республикасы Парламенті палаталарының бірлескен отырысы 2025 жылғы 2 қыркүйекте сағат 11.00-де Астана қаласында шақырылсын", - деп жазылған өкім мәтінінде. 

Парламент палаталарының парламенттік демалыстан кейінгі алғашқы бірлескен отырысы дәстүрлі түрде Қазақстанда жаңа саяси маусымды ашады.