2028 жылға дейін Қазақстанда аэротакси жүйесі іске қосылуы мүмкін

Қазақстанда 2028 жылға дейін әуе такси қызметін дамыту мақсатында алты арнайы вертипорт салу жоспарланып отыр, деп хабарлайды Politico.kz.

ҚР Көлік министрлігінің мәліметінше, қазіргі уақытта инфрақұрылымның концепциясы мен дизайнын италиялық компания әзірлеуде. Жаңа вертипорттар қалалардағы және көлік тораптарындағы стратегиялық маңызды орындарға орналастырылады.

Министрлік өкілдерінің айтуынша, жобаны жүзеге асыру кезінде қауіпсіздік талаптары, көлікпен қолжетімділік және қолданыстағы инфрақұрылыммен үйлесімділік басты назарға алынады.

Сонымен қатар, әуе такси мен заманауи әуе мобильділігін реттейтін заңнамаға бірқатар өзгерістер дайындалған. Қазіргі таңда бұл түзетулер келісу кезеңінен өтіп, талқылану үстінде. Жақын уақытта оларды қабылдап, қолданысқа енгізу жоспарланып отыр.

Жоба жүзеге асса, Қазақстанда қалалар арасында жаңа буындағы жылдам әуе қатынасы жүйесі пайда болуы мүмкін.