«81 адам құтқарылды, 27-і бала»: Түркістан облысында төтенше жағдай болды
Түркістан облысының Төлеби ауданында су тасқыны салдарынан 81 адам қауіпсіз жерге көшірілді, деп хабарлайды Politico.kz.
Оқиға Ақмешіт ауылы маңындағы туристік аймақта болған. Алдын ала мәліметтерге сәйкес, нөсер жауын-шашынның салдарынан өзендегі су деңгейі күрт көтерілген. Күшті ағыс уақытша қолдан жасалған көпірді ағызып әкеткен. Сонымен қатар Екпінді ауылы маңындағы өткелге де зақым келген.
Оқиға орнына құтқарушылар жедел жетті. Екпінді ауылынан 11 адам, оның ішінде 7 бала қауіпсіз жерге шығарылды. Ал демалыс аймағынан тағы 70 адам, оның ішінде 20 бала эвакуацияланды.
Уақытша өткел ұйымдастыру үшін арнайы техника тартылған. Қазіргі таңда эвакуацияланғандардың барлығының жағдайы қалыпты, зардап шеккендер жоқ, медициналық көмек қажет болмаған.
Оқиға орнында Төтенше жағдайлар қызметі, «Қазселденқорғау», полиция және жергілікті атқарушы органдар жұмыс жүргізіп жатыр.
Соңғы жаңалықтар
