Ақтөбе полициясы 105 миллион теңгеге былғары салонды көлік алмақ

Ақтөбе полициясы әрқайсысы 53 млн теңгеге жуық екі көлік алмақ

Ақтөбе облысының полиция департаменті (ДП) қомақты сомаға екі жеңіл автокөлік сатып алуды жоспарлап отыр. Тиісті лот мемлекеттік сатып алу порталында жарияланған, деп хабарлайды Politico.kz.

Құжатта тапсырыс беруші ретінде Қазақстан Республикасы Ішкі істер министрлігі қарасты Ақтөбе облысының Полиция департаменті көрсетілген. Сатып алынатын тауар – патрульдік полицияға арналған автокөлік.Бір автокөліктің бағасы – 52 715 517,24 теңге. Барлығы екі көлік сатып алу жоспарланған. Жалпы сомасы – 105 431 034,48 теңге.

Техникалық сипаттамада көліктерге қойылған талаптар да назар аудартады. Атап айтқанда, салонда былғары орындықтар және «музыкаға арналған кемінде алты динамик» болуы тиіс екені көрсетілген.

Конкурсқа өтінімдерді алдын ала қабылдау 25 ақпан мен 5 наурыз аралығында өтеді.

Қымбат көліктердің нақты қандай маркада болатыны әзірге белгісіз.

9 ел «Бейбітшілік кеңесінің» бюджетіне 7 млрд доллардан астам ақша құйды – Трамп

«Сүйінші!»: Руслан Өтепбай Арман Дүйсеновтің отбасысы жайлы қуанышты жаңалығымен бөлісті

Автокөлік Ақтөбe облысы Жаңалықтар мемлекеттік сатып алу Полиция басқармасы

Ақтөбе полициясы 105 миллион теңгеге былғары салонды көлік алмақ

Соңғы жаңалықтар