Дәурен Қосанов Қорғаныс министрі қызметінен босатылды

Қазақстан Президенті Қасым-Жомарт Тоқаев Қорғаныс министрі Дәурен Қосановты қызметінен босатты, деп хабарлайды Politico.kz.

Мемлекет басшысының жарлығына сәйкес, Қосанов Дәурен Жұматаевич Қазақстан Республикасының Қорғаныс министрі лауазымынан босатылды.

Бұл шешім 24 қыркүйекте Маңғыстау облысында болған қайғылы оқиғадан кейін қабылданып отыр. Әскери-теңіз күштерінің оқу-жаттығуы кезінде 17 әскери қызметшіні Каспий теңізіне алып кеткен. Олардың үшеуі аман қалып, 14 әскери қызметші қаза тапты.

Оқиғаға байланысты қылмыстық іс қозғалып, Қорғаныс министрлігі жүйесінің бес лауазымды қызметкері ұсталған. Қайғылы жағдайдың себептерін анықтау үшін Үкіметтік комиссия құрылып, оған Премьер-министрдің орынбасары Қанат Бозымбаев жетекшілік етті.

Қазіргі таңда Қорғаныс министрінің міндетін кім атқаратыны туралы ақпарат әзірге жарияланған жоқ.

Тоқаев Қорғаныс министрлігін кешенді тексеретін комиссия құрды

“Олар біз үшін өліп пе?”: Аза тұту күні эфирге шыққан блогерлер елдің ашуын туғызды

жұмыстан босатылу Каспийдегі трагедия Сарбаз өлімі Қасым-Жомарт Тоқаев Қорғаныс министрі

Дәурен Қосанов Қорғаныс министрі қызметінен босатылды

Қазақстан Президенті Қасым-Жомарт Тоқаев Қорғаныс министрі Дәурен Қосановты қызметінен босатты, деп хабарлайды Politico.kz.

Соңғы жаңалықтар