Қостанайда сауда орталығына қатысты жалған теракт хабарын таратқан жасөспірім сотталды

Қостанайда сауда орталығында теракт болады деп жалған ақпарат таратқан жасөспірім қылмыстық жауапкершілікке тартылды. Бұл туралы Қазақстан Республикасы Ішкі істер министрлігі-нің баспасөз қызметі хабарлады, деп мәлімдейді Politico.kz.

Ведомство мәліметінше, іс материалдарын қараған Қостанай облысының кәмелетке толмағандар істері жөніндегі мамандандырылған ауданаралық соты жасөспірімге бір жыл мерзімге бас бостандығын шектеу жазасын тағайындады. Сондай-ақ оған пробациялық бақылау белгіленді.

Полиция департаментінің хабарлауынша, жедел-іздестіру іс-шаралары барысында экстремизмге қарсы іс-қимыл басқармасының қызметкерлері қаладағы сауда орталықтарының бірінде дайындалып жатқан теракт туралы жалған ақпарат таратқан күдіктіні анықтаған.

Құқық қорғау органдары жалған терроризм туралы хабарлама тарату — ауыр қылмыс екенін еске салды. Мұндай әрекеттер қоғамда үрей туғызып, арнайы қызметтердің күшін негізсіз жұмылдыруға әкеледі. Заңға сәйкес, мұндай құқықбұзушылық үшін қылмыстық жауапкершілік қарастырылған.