Зеленский АҚШ-пен келіссөздердің Сауд Арабиясында басталатынын мәлімдеді

Украина президенті Владимир Зеленский АҚШ пен Украина делегацияларының келіссөздері келесі аптада өтетінін мәлімдеді, деп хабарлайды POLITICO.KZ.

Зеленский бұл туралы X әлеуметтік желісіндегі парақшасында жазды. Оның айтуынша, кездесу Сауд Арабиясында өтеді.

"Украина мен Америка командалары жұмысын қайта жандандырды, және біз келесі аптада мазмұнды кездесу өтеді деп үміттенеміз", – деп жазды Зеленский.

Украина президенті еуропалық серіктестеріне алғыс айтып, қазіргі халықаралық жағдайдағы эмоциялық шиеленістің артып келе жатқанын атап өтті.

"Украин халқы осындай күрделі саяси жағдайда көрсетіліп жатқан қолдауды жоғары бағалайды. Еуропалық бірлік сақталып тұр, және бұл өте маңызды", – деді ол.

Кездесу барысында АҚШ пен Украинаның әскери, экономикалық және саяси мәселелерді талқылайтыны күтілуде.