Балқаштағы дәмханада қонақтар арасындағы жанжал атысқа ұласты

Дәмханадағы төбелес кезінде официант зардап шекті

Балқаштағы дәмханалардың бірінде болған жанжал атыспен аяқталып, мекеме қызметкері жарақат алды, деп хабарлайды Politico.kz.

Оқиға Қарағанды облысының Балқаш қаласында тіркелген. Алдын ала мәлімет бойынша, дәмханаға келген таныс адамдар арасында ауызша кикілжің туындап, ол кейін төбелеске ұласқан. Жанжал кезінде травматикалық қару қолданылған.

Салдарынан дәмханада жұмыс істейтін әйел қызметкер оқ жарақатын алған. Дәрігерлер оның жарақатының жеңіл екенін айтқанымен, нақты жағдайы әзірге жарияланған жоқ.

Аталған дерек бойынша қылмыстық іс қозғалды. Полиция күдіктілердің жеке басы анықталғанын мәлімдеді. Қазір оларды ұстау бойынша жедел іздестіру шаралары жүргізіліп жатыр.

Тергеу барысы Қарағанды облыстық полиция департаменті басшылығының бақылауына алынған.

Атыраудағы қанды оқиға: Ақбаян Мұқанғалиевадан жауап алу неге қиын болды?

Көмір шахтасының жарылысынан кемінде 90 адам қаза тапты

Атыс балқаш ауданы дене жарақаты Жанжал Қарағанды облысы

Бізді Google-дың негізгі дереккөздер тізіміне қосыңыз

Қосу