Меркіде 19 жасында қайтыс болған Мәдина Рашидқызының қырқы берілді

Жамбыл облысы Меркі ауданы Қызыл қыстау ауылында 19 жасында жұмбақ жағдайда көз жұмған жас келіншек Мәдина Рашидқызының қайтыс болғанына 40 күн толып, асы берілді, деп хабарлайды Politico.kz.

Бұл туралы оқиғаның мән-жайын бақылауда ұстап жүрген блогер Жан Ахмадиев хабарлады.

Блогер әлеуметтік желідегі парақшасында жиыннан бейнежазба жариялады. Видеодан марқұмның қабырғасы қайысқан анасын, сондай-ақ іс бойынша заңгерлік көмек көрсетіп жүрген белгілі қоғам белсендісі Инга Иманбайды байқауға болады.

Еске сала кетейік, қайғылы жағдайдан кейін жас келіншектің артында он айлық сәбиі қалған болатын. Бұған дейін марқұмның анасы құдаларының қарсылығына байланысты өз жиенімен кездесе алмай жүргені туралы ақпарат тарап, қоғамда резонанс тудырған еді.

Кісі өлімі Мадина Рашидқызы Меркі Полиция қырық күндік ас

Меркіде 19 жасында қайтыс болған Мәдина Рашидқызының қырқы берілді

Соңғы жаңалықтар